ሱዳን ላይ በዳኛ አድሎ 5ለ3 የተሸነፈው ብሔራዊ ቡድናችን በአዲስ አበባው የመልስ ጨዋታ የማሸነፍ ሞራል ይዟል

Ethiopian-National-Football-Team

ከአሰግድ ተስፋዬ
ኢትዮጵያ ብሔራዊ ቡድን ከአው ሮፓውያኑ 1982 በኋላ ለመጀመሪያ ጊዜ በአፍሪካ ዋንጫ ለመሳተፍ በደርሶ መልስ ማድረግ ከነበረበት አንዱን ባለፈው ቅዳሜ በሱዳን ኡምዱሩማን ከተማ ተጫውቶ ተሸንፏል።
ይህ ጨዋታ ከመጀመሩ በፊት በአሰልጣኝ ሰውነት ቢሻው የሚመሩት ዋሊያዎቹ በቅርቡ ከሜዳቸው ውጪ ባደረጓቸው የዓለም እና የአፍሪካ ዋንጫ ማጣሪያ ጨዋታዎች አስደናቂ ብቃት በማሳየታቸው በኡምዱሩማኑም ጨዋታ ጥሩ ውጤት ይዘው እንደሚመለሱ ግምቶች ተሰጥተው ነበር
ኢትዮጵያ ፥ ከሱዳንና ግብጽ ጋር በመሆን የአፍሪካ እግር ኳስ ኮንፌዴሬሽንን መስርታ ከሦስት ዓስርት ዓመት በላይ ለሆነ ጊዜ በአፍሪካ ዋንጫ መሳተፍ ሳትችል የሩቅ ተመልካች ሆና ቆይታለች።
ሁለቱ የአፍሪካ ዋንጫ መስራቾቹ የኢትዮጵያና የሱዳን ብሔራዊ ቡድኖች ለመጀመሪያ ጊዜ በወዳጅነት ጨዋታ የተገናኙት በአወሮፓውያኑ 1956 አዲስ አበባ ላይ ባደረጉት ጨዋታ ሲሆን ኢትዮጵያ ሁለት ለአንድ መርታት ችላለች።
ከሦስት ዓመት በኋላ በ1959 የተካሔደው ሁለተኛው የአፍሪካ ዋንጫ ሁለቱን ብሔራዊ ብድኖች ለሁለተኛ ጊዜ አገናኝቷቸዋል። ይህንን በግብጹ ታላቅ ክለብ በአል አህሊ ስታዲየም የተደረገውን ጨዋታ ወደ40ሺ የሚጠጋ ተመልካች እንደተከታ ተለው መረጃዎች የሚጠቁሙ ሲሆን የሱዳን ብሔራዊ ቡድን አንድ ለዜሮ ማሸነፍ ችሏል።
በዚያው ዓመት ከሰባት ወራት በኋላ ለኦሊምፒክ ማጣሪያ የመጀመሪያ ጨዋታ በኤል ሜሪክ ስታዲየም ሁለቱ ብሔራዊ ቡድኖች ተጫውተው ኢትዮጵያ ሦስት ለአንድ መርታት ስትችል ከወር በኋላ በአዲስ አበባ የመልስ ጨዋታቸውን አድርገው አንድ ለአንድ ተለያይተዋል።
ከዚህ ጨዋታ በኋላ ሁለቱ ብሔራዊ ቡድኖች ዳግም የተገናኙት ከስድስት ዓመት በኋላ ነበር። በመጋቢት ወር 1965 ለአፍሪካ ዋንጫ ማጣሪያ። ለአፍሪካ ዋንጫ ማጣሪያ በአንድ ምድብ የተደለደሉት ሁለቱ ብሔራዊ ቡድኖች በካርቱም ላይ ባደረጉት የመጀመሪያ ጨዋታ ባለሜዳው የሱዳን ብሔራዊ ቡድን ሁለት ለአንድ መርታት ሲችል በመልሱ የኢትዮጵያ ብሔራዊ ቡድን አዲስ አበባ ላይ በተመሳሳይ ውጤት አሸንፏል።
ከአንድ ዓመት ቆይታ በኋላ ዋልያዎቹና ንስሮቹ በአዲስ አበባና ካርቱም ላይ በደርሶ መልስ ባደረጓቸው ሁለት የወዳጅነት ጨዋታዎች አንደ ለአንድ ተለያይተዋል።
ከቅዳሜው ውጤት በፊት ሁለቱ ብሔራዊ ቡድኖች ባደረጉት የወዳጅነትም ይሁን የነጥብ ጨዋታዎች በአንድ ጨዋታ ብዙ ጎሎች የተመዘገቡት በአውሮፓወያኑ የካቲት 26 ቀን 1967 ካርቱም ላይ ያደረጉት ጨዋታ ነው።
በዚህ በኤል ሜሪክ ስታዲየም በተደረገ የወዳጅነት ጨዋታ ሱዳን አምስት ለሦስት ያሸነፈችበት ጨዋታ ነበር።
ለ2013 የአፍሪካ ዋንጫ ለመጨረሻ ዙር የደረሱት የኢትዮጵያና የሱዳን ብሔራዊ ቡድኖች የመጨረሻ ዙር የደርሶ መልስ የመጀመሪያ ጨዋታቸውን ባለፈው ቅዳሜ በኡምዱሩማን ከተማ ባደረጉት ጨዋታም ይህ ታሪክ ተደግሟል።
ከዚህ ጨዋታ መጠናቀቅ በኋላ የዋልያዎቹ የመሀል መስመር ተጫዋች አስራት መገርሳ ከአፍሪካ እግር ኳስ ኮንፌዴሬሽን ድረ ገጽ (ካፍኦንላይን ዶት ኮም) ጋር ባደረገው ቃለ ምልልስ የኢትዮጵያ ብሔራዊ ቡድን ተጫዋቾች በመልሱ ጨዋታ ለአፍሪካ ዋንጫ ተሳታፊነት የሚያበቃውን ውጤት እንደሚያስ መዘግብና የኡምዱሩማኑ ውጤት አስከፊ እንዳልሆነ ተናግሯል።ተጫዋቹ ከድረ ገጹ ጋር ያደረገውን ቃለ ምልልስ እንደሚከተለው አቅርበነዋል።
ካፍ ኦንላይን፡-የዛሬውን ጨዋታ እንዴት አገኘኸው?
አሥራት፡- ጨዋታው ጠንካራና በጥብቅ ታክቲክ የተተገበረ ነበር። ሁለቱም ቡድኖች ጥሩ ተጫውተዋል።
ካፍ ኦንላይን፡-የኢትዮጵያ ብሔራዊ ቡድን እንቅስቃሴ ከሱዳን አቻው ጋር ሲነጻጸር ምን ይመስላል?
አሥራት፡- የሱዳን ብሔራዊ ቡድን በመጀ መሪያው አጋማሽ ሙሉ ለሙሉ ጨዋታን ተቆጣጥሮና አጥቅቶ ተጫውቷል ብዬ አስባለሁ። በዚህ የጨዋታ ክፍለ ጊዜ ሦስት ጎሎችን አስቆጥሯል።በሁለተኛው አጋማሽ እኛ ከአንደኛው አጋማሽ በተሻለ ተንቀሳቅሰን በተከታታይ ሁለት ጎሎችን አስቆጥረናል ። በሁለተኛው አጋማሽ በታክቲኩም ሆነ በማጥቃት ረገድ እኛ የተሻልን ነበርን።
ካፍ ኦንላይን፡-አምስት ለሦስት ከተሸነፋችሁ በኋላ የቡድኑ ሞራል ምን ይመስላል?
አስራት፡- የቡድኑ ሞራል መጥፎ የሚባል አይደለም። ውጤቱም ጥሩ ውጤት በመሆኑ ስሜታችንን አልጎዳውም።
ካፍ ኦንላይን፡-ኡምዱሩማን ላይ ሦስት ጎል አስቆጥራችኋል። በአዲስ አበባው የመልስ ጨዋታ ምን ትጠብቃለህ?
አሥራት፡- በጫዋታው መጠናቀቂያ አካባቢ ለሱዳን የተሰጡት ሁለት የፍጹም ቅጣት ምቶች አይገቧትም ነበር። በሁለተኛው አጋማሽ እኛ ከእነርሱ የተሻለ ተንቀሳቅ ሰናል። በአዲስ አበባው የመልስ ጨዋታ አስፈላጊውን ውጤት አምጥተን በደቡብ አፍሪካ አስተናጋጅነት ለሚካሄደው የአፍሪካ ዋንጫ ለማለፍ ጓጉተናል።
ካፍ ኦንላይን፡- በዕረፍት ሰዓት አሰልጣኝ ሰውነት የሰጧችሁ መመሪያ ምንድን ነበር?
አሥራት፡- በዕረፍት ሰዓት አሰልጣኝ ሰውነት ብዙ ነገር አልነገረንም።በሙሉ አትኩሮት ጠንክረን እንድንጫወትና በአንደኛው አጋማሽ የሰራናቸውንና ሱዳን ሁለትግቦች እንድ ታስቆጥር የረዳትን ስህተት እንዳን ደግም ነው የነገረን።
ካፍ ኦንላይን፡-በሚቀጥለው ወር በአዲስ አበባ በሚደረገው የመልስ ጨዋታ ምን መልክ የሚኖረው ይመስልሀል?
አሥራት፡- ለመልሱ ጨዋታ ሙሉ ዝግጅት እናደርጋለን። ምክንያቱም በኡምዱሩማን ይህንን እንድናደርግ የሚያስችለንን ውጤት አስመዝግበናል። የኢትዮጵያ ብሔራዊ ቡድን በመልሱ ጨዋታ እንደሚያሸንፍ ጽኑ እምነት አለ።



Comments

comments

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>